DÍA INTERNACIONAL DOS PAPAVENTOS

Informándovos de que o próximo día 14 de xaneiro conmemórase o Día Internacional do Papaventos.

Tal e como define a RAG (Real Academia Galega), o papaventos é un xoguete formado por unha tea ou un papel fixado nunha armazón, que se eleva no aire debido á presión do vento e que se suxeita e manexa mediante un cordel longo.

Dependendo da zona onde esteamos, temos diferentes nomes para definilo. Por exemplo, en España, pódeselle chamar das seguintes formas: cometa (nome xenérico), sierpe (Asturias), abilucho (Murcia), cachirulo (Valencia), Kometa (euskera), estel (catalán) pandorga (Cádiz)...

Un dos festivais máis importantantes do mundo celébrase na India, en Uttarayan, que é coñecido comunmente como o "festival da cometa" no cal reúnense persoas de todas as partes do país e incluso do mundo para participar e demostrar as súas habiliades.

E como nós non imos ser menos, vos propoñemos celebrar na semana do 15 ao 19 de xaneiro esta conmemoración. A continuación podedes botarlle un ollo ao cartel.

Se premedes na imaxe accederedes a un titorial de como elaborar un papaventos caseiro. 

Podedes pinchar 👉👉AQUÍ👈👈 para acceder ás imaxes.

FINALIZACIÓN COMPETICIÓN DE BRILÉ

Queremos comezar as clases felicitándovos o Novo Ano e comunicándovos que co remate do primeiro trimestre, tamén damos por finalizado o Campionato de Brilé. 

Foi unha competición intensa e disputada na cal os nenos e nenas disfrutaron moito xogando. A continuación tedes as clasificacións e os resultados que se conseguiron coa disputa dos partidos. 

 

Hai que dicir que na categoría dos maiores (Cidades Galegas), temos un dobre empate na cabeza, polo que o vindeiro xoves 11 disputarase un partido final para desfacer esa igualdade.  

Agradecer aos rapaces e rapazas a súa colaboración, tanto aos compoñentes dos equipos como aos árbitros, xa que sen eles non sería posible a súa realización.

Recordade que tedes na galería da páxina web do cole algunhas fotos dos partidos (PINCHA AQUÍ).

CARREIRA DE SAN SILVESTRE 2023

Como xa é tradición, o último día do ano vaise celebrar en Silleda a Carreira de San Silvestre con saída e chegada na Praza Siñor Afranio.

Se queredes finalizar o ano pasando un rato entretido, e poñendo a proba a vosa forma física, animádevos a participar!!!! 

FELICES FESTAS!!!

DÍA INTERNACIONAL DA DISCAPACIDADE (imaxes)

A continuación, deixámosvos un vídeo e un enlace á galería da páxina web do cole onde podedes ver o circuíto que montamos para conmemorar este día. 

Todo o alumnado do centro puido tomar consciencia das dificultades coa que se atopan as persoas con discapacidade (auditiva, visual e física) para poder realizar rutinas da vida diaria. 

Pincha na imaxe para acceder a un pequeno vídeo resumo do que foi a actividade.

Pincha na foto para acceder á galería onde atoparedes todas as instantáneas da actividade.

DÍA INTERNACIONAL DA DISCAPACIDADE

En 1992, Nacións Unidas declarou o día 3 de decembro como o Día Internacional das Persoas con Discapacidade. O seu obxectivo é promover os dereitos e o benestar das persoas con discapacidades en todos os ámbitos da sociedade e o desenvolvemento, así como concienciar sobre a súa situación en todos os aspectos da vida política, social, económica e cultural.

Este ano para celebralo, entre as actividades programadas no centro, está a realización dun pequeno circuíto onde o alumnado empatizará coas persoas que presentan algunha discapacidade física, auditiva e visual. Esta actividade levarémola a cabo o xoves e venres desta semana, xa que o propio día é o domingo.

A continuación deixámovos un par de vídeos sobre o tema. O primeiro explícanos un pouquiño sobre este día, mentres que no segundo podemos ver a varios deportistas españois mandando unha mensaxe para a normalización das discapacidades, especialmente no deporte.

CARREIRA DE CAMPO A TRAVÉS

Hoxe venres, disputouse “A Carreira de Campo a Través” organizada pola Secretaría Xeral para o Deporte, da Xunta de Galicia, dentro do programa XOGADE.

Esta proba celebrouse no ring hípico das instalacións da Semana Verde de Galicia (Silleda) onde se deron cita a maioría dos institutos e colexios educativos da comarca do Deza, polo que a parte das probas deportivas, tamén serviu como actividade de convivencia entre o alumnado.

A continuación deixámosvos o enlace a algunhas fotos pinchando sobre a imaxe. 

MESA DE PING-POING

Non foi sen tempo... pero a espera dou os seus froitos. Xa temos montada no patio a nosa mesa de ping-pong. Agora nos recreos xa podedes facer uso delas. 

 Podedes ver as regras básicas deste deporte pinchando 👉👉AQUÍ👈👈.

* 🚧⛔🚧Acordádevos que na mesa de ping pong non podemos subirnos, sentarnos, comer enriba dela...

CARREIRA DE CAMPO A TRAVÉS

Xa temos nova data para a celebración da proba de Cross que se aprazou polas condicións meteorolóxicas. 

Esta realizarase o próximo venres 17 dentro do horario lectivo e terá lugar nas instalacións da Semana Verde de Galicia (Silleda).

Aconsellamos ao alumnado participante (3º, 4º, 5º e 6º de EP) que veña con roupa deportiva adecuada, así como unha mochila con roupa de reposto (calzado, calcetíns, pantalón, camiseta,…).

VÍDEO SEMANA DO PEÓN

Deixámosvos aquí un pequeno vídeo con imaxes da  "Semana do Péon", onde as nenas e os nenos puideron practicar este xogo tradicional. 

Agradecer ao alumnado de 4ºB a súa colaboración axudando aos seus compañeir@s a bailar os peóns.

 Podedes ver máis fotos e vídeos na páxina web do cole (Pincha AQUÍ).