O Concello de Silleda retoma a iniciativa de Silleda Camiña
Saída dende o pavillón municipal César G. Fares
Luns e mércores
Ás 17:00 horas
Boas rapaz@s!!! Para inagurar este curso as actividades en familia, vos propoñemos que vos iniciedes no deporte do sendeirismo.
Na nosa comarca hai varias rutas que trascurren por diferentes lugares, e que a parte de permitirnos estar en contacto coa natureza, tamén nos axudan a facer exercicio físico. A primeira proposta que podedes realizar é unha parte da ruta do "Sendeiro do Muíño de Cuíña" (Prado-Lalín). Deixámosvos información sobre a mesma, así como unhas nocións básicas sobre o sendeirismo.
Se premedes sobre a imaxe, accederedes á ruta que ten unha distancia de case 11km, pero para ir comezando, recomendámosvos facer o tramo circular de 3 km con saída e chegada no propio Muiño de Cuíña. Esta parte do sendeiro transcorre ao carón do regueiro de Santa Lucía, onde podedes observar diferentes muíños, a Capela que leva o mesmo nome, unha antiga fábrica de curtidos e lavadoiros... A súa dificultade é baixa.
Se premedes 👉AQUÍ👈, accederedes a unha breve explicación sobre o que é o
sendeirismo, a súa sinalización e o material recomendado.
Esperamos que vos guste e sexa o principio de moitas máis rutas😉😉😉.
Neste apartado iremos subindo diferentes actividades que podedes facer en familia e que teñen relación co exercicio físico.
Para estes días de vacacións, propoñémosvos dúas propostas que vos axudarán a pasar un rato entretido á vez que realizamos actividade física.
Para os días de bo tempo podedes acercarvos ata a Área Recreativa das Pedrosas onde podedes disfrutar do parque infantil, o parque biosaudable, a cancha polideportiva e aproveitar para facer camiñando a mini ruta circular que hai dentro do recinto.
Pola contra, se o tempo non acompaña, podedes descargar o xogo de mesa da Oca. Esta versión é adaptada para que cada vez que movamos ficha, teñamos que facer o exercicio que nos indiquen. Podedes descargar o xogo pinchando sobre o taboleiro.
* As regras son orientativas, polo que podedes adaptar as actividades á idade dos nenos e nenas.
Esperamos que vos gusten estas dúas prospotas!!!
