Este blog nace co fin de fomentar o gusto pola actividade deportiva, así como aumentar o exercicio físico diario como unha das bases dunha vida saudable. Nel poderedes atopar diferentes informacións relacionadas cas propostas dos xogos/actividades durante os patios, competicións internas do cole, probas deportivas que se celebraran nos arredores, ler a prensa deportiva e moitas cousas máis. Se queredes aportar suxerencias, podédelo facer a través do seguinte correo: efceipsilleda@gmail.com
sábado, 30 de septiembre de 2023
ACTIVIDADE DE CICLISMO
ACTIVIDADE DE ESGRIMA
O xoves 21 e venres 22, o alumnado de 3º, 4º, 5º, e 6º de EP tivo a oportunidade, como o ano pasado, de coñecer e practicar a esgrima.
Foi unha pequena toma de contacto que comezou cunha breve descrición teórica deste deporte, así como das súas armas e o seu equipamento. Tamén tiveron a oportunidade de ver un asalto entre dous esgrimistas. A parte practicar realizada polo alumnado consistíu no coñecemento dos movementos básicos e incluso puideron realizar algún asalto, sempre guiados polo monitor.
Temos que agradecer aos compoñentes de Compostela Esgrima a súa colaboración para realizar dita actividade.
Se premedes sobre a imaxe, podedes ver as fotos das sesións.
miércoles, 13 de septiembre de 2023
PATIOS ACTIVOS-DIVERTIDOS
A partir do próximo luns, comezamos cos patios activos-divertidos. Seguindo a liña continuista do ano anterior, moitas desas zonas xa vos van soar, pero tamén temos algunhas novidades que esperemos que vos gusten!!
A continuación deixámosvos unha presentación onde se explican as diferentes zonas das que consta o patio e as instrucións para xogar nelas.
CAMPIONATO DE BRILÉ
Comezamos coa primeira competición deste ano!!! Dada a boa acollida do ano
pasado, repetimos o Campionato de brilé, polo que xa vos podedes ir anotando
para participar.
Se estás en 4º, 5º ou 6º de ed. primaria, busca nenos e nenas destes cursos
para formar un equipo e inscribídevos nas follas que están onde o panel de ed. física (subindo as escaleiras pola clase de música). Recordade que os equipos
teñen que ser mixtos (nenos e nenas) e con alumnado deses cursos.
Os alumnos e alumnas de 1º, 2º e 3º de ed. primaria, comentádelle aos profes de Ed. física
que queredes xogar para que vos anoten e busquen un equipo.
A continuación deixámosvos o cartel e as regras do campionato.
ESCOLAS DEPORTIVAS MUNICIPAIS
Dende o luns 4 de setembro está aberta a inscrición nas distintas Escolas
Deportivas Municipais.
Deixámosvos dous enlaces das actividades organizadas polo concello, un deles da propia páxina onde atoparedes a información (Pincha AQUÍ), e un segundo enlace coa oferta de actividades (Pincha sobre a imaxe).
martes, 12 de septiembre de 2023
PRESENTACIÓN TEMPADA ESGRIMA
O próximo martes 19 levarase a cabo a presentación da nova tempada de esgrima en Silleda. Podedes consultar os horarios e as localizacións pinchando no cartel.
lunes, 11 de septiembre de 2023
BENVIDOS AO CURSO ESCOLAR 2023-2024
-
A partir do próximo luns, comezamos cos patios activos-divertidos . Seguindo a liña continuista do ano anterior, moitas desas zonas xa vos ...
-
Comezamos coa primeira competición deste ano!!! Dada a boa acollida do ano pasado, repetimos o Campionato de brilé, polo que xa vos podedes ...
-
Hoxe venres, disputouse “A Carreira de Campo a Través” organizada pola Secretaría Xeral para o Deporte, da Xunta de Galicia, dentro do prog...