Neste mes de abril, leváronse a cabo as xornadas de baloncesto e balonmán (XOGADE) tanto nas categorías benxamín (4ºEP) e alevín (6º EP).
O alumnado participante desprazouse ata o colexio CPR Plurilingüe María Inmaculada para enfrontarse, en categoría benxamín, aos equipos do María Inmaculada (Silleda), do CEIP Vicente Arias de la Maza (Vilatuxe) e CEIP de Agolada. En categoría alevín participaron os mesmos centros salvo o colexio de Agolada.
Ao longo das dúas xornadas celebráronse diferentes partidos no que o alumnado puso en práctica as súas habilidades nestas dúas disciplinas.
Tedes máis fotos na galería da web do cole. Para acceder pinchade na foto.
