XOGAMOS COAS CARRILANAS

A seguinte actividade que vos propoñemos é xogar coas carrilanas. Nestes días, nos que o tempo acompañe, teredes a vosa disposición as carrilanas para xogar con elas no percorrido montado nas pistas polideportivas.

Despois desa toma de contacto organizaremos nas próximas semanas un campionato na modalidade de "contra o reloxo" nas diferentes categoría.

A proba realizarase en tres días, competindo o alumnado de educación primaria na súa categoría correspondete. As datas xa volas comunicaremos.

Podedes irvos anotando por parellas nas follas de inscrición que están no panel de EF.

O regulamento da competición será o seguinte:

       - Cada equipo estará formado por dous alumn@s.

    - A proba consistirá en dar 2 voltas ao circuíto, tendo en cada volta que ser un piloto diferente.

      - Cada saída de pista penalizará con 5 minutos que se sumarán ao tempo final.

     - O tempo comezará a correr ao son da bucina e pararase ao cruzar por segunda vez a liña de meta.

       - Gaña o equipo que realice o percorrido no menor tempo posible.

ASIQUE XA SABES!!!! BUSCADE COMPAÑEIR@, PRACTICADE ESTES DÍAS E DESPOIS  ANIMÁDEVOS A PARTICIPAR NO CAMPIONATO!!!!!!😉

SILLEDA CAMIÑA!

O Concello de Silleda retoma a iniciativa de Silleda Camiña

A vindeira semana retómase o programa Silleda Camiña, con andainas biosaudables abertas a todas as persoas interesadas 

 Saída dende o pavillón municipal César G. Fares
 Luns e mércores
 Ás 17:00 horas

Iniciativa para fomentar hábitos saudables, camiñar en compañía e seguir descubrindo espazos do noso municipio.

EQUIPOS GAÑADORES LIGA BRILÉ 2025-26

Por mor da meteoroloxía adversa que nos acompañou dende o mes de decembro, tomamos a decisión, xunto cos equipos participantes, de finalizar a liga de brilé antes de tempo para así poder realizar outras actividades e campionatos no periodo que queda de curso. Os equipos gañadores foron:

Categoría: Universo  (1º, 2º, e 3º Ed Primaria).

ESTRELA

Categoría: Sistema solar (4º, 5º, e 6º Ed. Primaria).

MARTE

👉RESULTADOS👈                         👉CLASIFICACIÓNS👈

TRANSGALAICA SILLEDA 2026

Este domingo 15 de marzo disputarase por terras do noso concello a segunda proba do maratón MTB series da Transgalaica. Tanto a saída como a chegada realizarase na Bandeira, pero podedes ver e animar aos participantes nas diferentes zonas polas que pasan. 

Se pinchades na imaxe accederedes á páxina web da proba onde podedes ver o percorrido, horarios...

XXX RALI DO COCIDO

Para aos que vos gustan as probas de automobilismo, este fin de semana celébrase no concello veciño de Lalín o XXX Rali do Cocido. Para máis información referente a horarios, tramos... pinchade sobre a imaxe.

XORNADA FÚTBOL SALA BENXAMÍN E ALEVÍN (XOGADE)

 A segunda competición deportiva dentro do programa XOGADE deste curso foi a disputa dos campionatos de fútbol sala nas categorías benxamín (mércores 4 de febreiro) e alevín (xoves 26 de febreiro) entre equipos da comarca. Dada a gran participación de centros organizáronse dúas sedes, sendo unha delas en Silleda no pavillón César González Fares e a outra no CEIP Nosa Señora da Piedade. O noso cole enfrentouse contra os equipos do CPR Plurilingüe María Inmaculada (Silleda) e do CEIP Vicente Arias de la Maza (Vilatuxe). Dicir que na categoría alevín, tamén participou o CEIP de Agolada

Ao longo das dúas xornadas celebráronse diferentes partidos nos que o resultado foi o de menos, xa que os nenos e nenas pasárono moi ben e puideron relacionarse con nenos e nenas doutros centros educativos.

Tedes máis fotos na galería da web do cole. Pinchade sobre a imaxe.

CARREIRA DO COCID0 2026

En días pasados presentouse a XVI Carreira do Cocido (Lalín). Se queredes pasar un rato entretido, e poñer a proba a vosa forma física, animádevos a participar.  

Se premedes sobre a imaxe, accederedes á páxina principal da carreira onde estaredes informados de todas as novidades, así como poderedes facer a vosa inscrición, ver o regulamento...

XOGOS OLÍMPICOS DE INVERNO

Se vos gusta algún deporte de inverno... estades de noraboa!! Dende o 6 ata o 22 de febreiro vanse celebrar, no norte de Italia, os Xogos Olímpicos de Inverno. Neles podedes ver varias disciplinas como por exemplo: bobsleigh, curling, esquí alpino, de fondo, acrobático, de montaña, hockei sobre xeo... 

E se quedades con máis gañas de deportes de inverno, do 6 de marzo ao 15 de marzo celebraranse os Xogos Paralímpicos.

Se pinchades na imaxe, accederedes a páxina oficial da competición onde tedes información sobre actualidade, calendario ... Tamén podedes ver os horarios das probas na parte dereita do blog (axenda deportiva diaria)

 

Alimentación saudable - FOGGA

Hoxe dá comezo outra campaña do programa do Fondo Galego de Garantía Agraria –Fogga– que consiste na axuda para o suministro de froita fresca e leite líquida ao alumnado de centros escolares. 

O alumnado, durante os recreos, terá a súa disposición froita fresca para o seu consumo (mazás, mandarinas, plátanos, amorodos, melóns...).

Tamén terán acceso ao leite líquido, o cal se distribuirá durante os recreos nas vindeiras semanas.

Con esta iniciativa inténtase promover no alumnado a importancia da froita e do leite nunha alimentación saudable.

DÍA INTERNACIONAL DOS PAPAVENTOS

Xa estamos de volta da vacacións de Nadal e espero que disfrutarades moitos destes días. Para comezar o ano, imos conmemorar o Día Internacional dos Papaventos (14 de xaneiro) xogando con eles durante os recreos da semana do 12 ao 16 de xaneiro.

Tal e como define a RAG (Real Academia Galega), o papaventos é un xoguete formado por unha tea ou un papel fixado nunha armazón, que se eleva no aire debido á presión do vento e que se suxeita e manexa mediante un cordel longo.

Dependendo da zona onde esteamos, temos diferentes nomes para definilo. Por exemplo, en España, pódeselle chamar das seguintes formas: cometa (nome xenérico), sierpe (Asturias), abilucho (Murcia), cachirulo (Valencia), Kometa (euskera), estel (catalán) pandorga (Cádiz)...

Se queredes facer un papaventos caseiro, seguide os pasos que vos mostra o seguinte vídeo.