Este luns 11 e o martes 12 participamos nun campionato de atletismobno que realizamos as seguintes probas: 60 m.l, 500 m.l., salto de lonxitude, salto de altura, lanzamento de vórtex e remudas 12x60). Tamén serviu como xornada de convivencia co alumnado do outro centro da localidade, o CPR Plurilingüe María Inmaculada.
Agradecer ao Club Atletismo Deza a organización desta actividade.
A continuación deixámosvos un enlace para acceder as fotos. Pinchade sobre a imaxe.
Aquí vos deixamos algunhas fotos do ben que o pasamos na semana do peón. Pinchade sobre a imaxe.
👇👇👇👇👇👇👇👇
Como todos os anos por estas datas, imos celebrar a "Semana do Peón", polo que para a vindeira semana, se tedes algún na casa, podedes traelo para desmostrarlle aos vosos compañeir@s as vosas habilidades. Tamén habilitaremos, na hora dos recreos, unha zona con buxainas onde teredes a oportunidade de xogar con elas.
Como xa sabedes, este é un xogo tradicional que recibe moitos nomes, como por exemplo: buxaina, trompo, peonza, bailarete, vira-vira,... e que forma parte do noso patrimonio cultural.
Agora tócache a ti... pono na man... enrédalle a piola... e a bailalooooooo!!!!
* Os partidos de brilé que se ían disputar esta semana quedan aprazados, polo que retomaremos o campionato o vindeiro luns.
Hoxe martes disputouse “A Carreira de Campo a Través” organizada pola Secretaría Xeral para o Deporte, da Xunta de Galicia, dentro do programa XOGADE.
Esta proba celebrouse no ring hípico das instalacións da Semana Verde de Galicia (Silleda) onde se deron cita a maioría dos centros educativos da comarca do Deza, polo que a parte das probas deportivas, tamén serviu como actividade de convivencia entre o alumnado.
A continuación deixámosvos o enlace a algunhas fotos pinchando sobre a imaxe.
Este luns o alumnado de 2º, 3º e 4º de EP recibiu unha sesión de atletismo no que practicaron algunhas das diferentes modalidades deste deporte, como por exemplo: os saltos de lonxitude e de altura, as carreiras e o lanzamento de vortex.
Nas vindeiras semanas poñerán en práctica o aprendido na xornada de atletismo que se levará a cabo cos outros coles do concello.
Estas sesións están impartidas por membros do Club Escola Atletismo Deza, aos cales lle agradecemos a súa disponibilidade para levar a cabo a actividade.
Podedes ver as fotos premendo 👉AQUÍ👈
Dende o 12 e 19 de outubro celebrarase o International Six Days de
enduro, a proba máis importante desta modalidade. A proba disputarase nos
concello de Santiago, Silleda, A Estrada, Lalín e O Irixo.
As instalacións da Semana Verde serán empregadas como paddock.
Se pinchades sobre a imaxe, accederedes a máis información.
Un ano máis, o Club Compostela Esgrima acercounos ata o centro o deporte da esgrima. A actividade consistiu nunha pequena toma de contacto que comezou cunha breve descrición teórica deste deporte, así como das súas armas e o seu equipamento. A parte practicar realizada polo alumnado consistíu no coñecemento dos movementos básicos e incluso puideron realizar algún asalto, sempre guiados polos monitores.
A actividade levouse a cabo o martes 24 e mércores 25, practicipando todo o alumnado de Educación Primaria.
Se premedes sobre a imaxe, podedes ver as fotos das sesións.
A continuación deixámosvos unha presentación onde se explican as diferentes zonas das que consta o patio e as instrucións para xogar nelas. Este ano como novidade introducimos o xogo do twister. Esperamos que sigades disfrutando dos xogos como estes anos anteriores.
Dende o luns 9 de setembro está aberta a inscrición nas distintas Escolas Deportivas Municipais.
Deixámosvos dous enlaces das actividades organizadas polo concello, un deles da propia páxina onde atoparedes a información (Pincha AQUÍ), e un segundo enlace coa oferta de actividades (Pincha sobre a imaxe).
Bos días rapazada!!! Xa estamos de volta para iniciarnos nun novo curso escolar que dá comezo hoxe. Moito ánimo a tod@s e estade moi atentos ás novidades que imos ir colgando por aquí!!!
