TRAMO CAMIÑO DE SANTIAGO 1º E 2º EP

Esta semana o alumnado de 1º e 2º de EP fixo un tramo do Camiño de Santiago, como podedes ver ían provistos da súa capa de peregrinos.

CAMPIONATO DE PENALTIS

Como xa puidestes comprobar... o noso patio volve ter porterías para a práctica de fútbol ou balonmán, polo que xa podedes disfrutar delas durante os recreos. 

Agradecer a Consellería a súa doazón e ao Concello a súa montaxe.

Para a semana celebraremos un Campionato de Penaltis durante os recreos. Mirade o regulamento e as categorías e anotádevos para participar no papel que está no taboleiro de EF.

CAMPIONATO KUNG FU PROVINCIAL

Este sábado 25 de maio, a partir das 16:00h, celebrarase o Campionato de Kung Fu Provincial e Sector Vigo no Pavillón Municipal de Deportes de Lalín (Cambio de ubicación de última hora).

Se podedes, acercádevos a coñecer un pouco máis deste deporte e de paso aproveitade para animar a vari@s compañeir@s do cole que van participar no mesmo.

XORNADA XOGANDO CO ATLETISMOS E ATLETISMO EN PISTA (5º / 6º EP)

Este luns tocoulle o turno ao alumnado de 5º e 6º EP disfrutar das xornadas adicadas ao atletismo.

O luns 6, membros do Club Atletismo Deza acercáronse ao centro para explicarlles, dunha maneira práctica aos nen@s, as diferentes disciplinas que conforman este deporte.

O día do campionato, a parte de realizar as probas establecidas (60 m.l, 500 m.l., salto de lonxitude, lanzamento de vórtex e remudas 12x50), tamén serviu como xornada de convivencia entre o alumnado dos outros dous centros do concello (CEIP Ramón de Valenzuela e CPR Plurilingüe María Inmaculada).

Agradecer ao Club Atletismo Deza e ao Concello de Silleda a organización desta actividade, que tamén se engloba dentro do programa XOGADE.

A continuación deixámosvos un enlace para acceder as fotos. Pinchade 👉👉AQUÍ👈👈

XOGOS POPULARES E TRADICIONAIS

Outro ano máis, e con motivo da celebración o 17 de maio do Día das Letras Galegas, a partir do luns 13 teredes a oportunidade de xogar durante os recreos a diferentes xogos populares e tradicionais. 

Tedes a continuación a listaxe dos xogos propostos, e se pinchades enriba deles, obteredes información de como podedes xogar con ese material. Nalgúns hai un vídeo explicativo.

BIRLOS

BUXAINA   (Forma de envolvelo - trucos)

CANICAS    (Guá - ollo ou bombardero)

CHAPAS  (Carreiras)

CARREIRA DE SACOS

ESQUÍS COOPERATIVOS (vídeo)

MARIOLA  (vídeo)

ZANCOS

Tedes 👉👉AQUÍ👈👈 fotos dos xogos destes días.

RALLYSPRINT CONCELLO DE SILLEDA

Estades de noraboa os amantes do motor, posto que os días 17 e 18 deste mes celebrarase no noso concello a segunda proba puntuable do Campionato Xunta de Galicia de Rallysprint. Aquí vos deixamo o cartel.

Se pinchades na imaxe accederedes aos tramos, horarios, lista de participantes...

COMPETICIÓN ALEVÍN DE BALONCESTO/BALONMÁN (XOGADE)

Como fai dúas semanas, hoxe tocoulles ir ás instalacións do CPR Plurilingüe María Inmaculada ao alumnado de 5º e 6º EP para disputar o campionato de baloncesto e balonmán contra os equipos do María Inmaculada (Silleda) e do CEIP Vicente Arias de la Maza (Vilatuxe).

Ao longo da mañá celebráronse diferentes partidos de categoría alevín no que o alumnado puso en práctica as súas habilidades nestas dúas disciplinas.

Tedes máis fotos na galería da web do cole. Para acceder pinchade na foto.

COMPETICIÓNS BENXAMÍNS DE BALONCESTO/BALONMÁN (XOGADE)

Dentro das xornadas deportivas que estamos a realizar este ano, hoxe tocounos ir ata as instalacións do CPR Plurilingüe María Inmaculada onde disputamos un campionato de baloncesto e balonmán contra os equipos do María Inmaculada e do CEIP Vicente Arias de la Maza (Vilatuxe).

Ao longo da mañá celebráronse diferentes partidos de categoría benxamín (3º e 4º EP) no que o alumnado puso en práctica as súas habilidades nestas dúas disciplinas.

Tedes máis fotos na galería da web do cole. Pincha 👉👉AQUÍ👈👈.

DÍA INTERNACIONAL DO DEPORTE PARA O DESENVOLVEMENTO E A PAZ // DÍA MUNDIAL DA SAÚDE

Nesta primeira semana de abril conmemóranse dúas datas moi relacionadas coa nosa área. 

A primeira é mañá sábado, 6 de abril, na cal se celebra o "Día Internacional do Deporte para o Desenvolvemento e a Paz". A segunda é o domingo 7, adicada ao "Día Mundial da Saúde". 

Ditas conmemoracións presenta unha oportunidade para recoñecer o papel positivo do deporte e a actividade física na nosa saúde, así como nas comunidades e na vida das persoas de todo o mundo.

Nutriescolas (Plan Proxecta)

Este ano o cole tamén está metido no programa “Nutriescolas” que ten como finalidade a prevención do sobrepeso e a obesidade en idade escolar.

Co desenvolvemento deste programa, intentamos que o alumnado  adquira e consolide hábitos alimentarios adecuados e desenvolva as competencias necesarias para facer eleccións saudables no futuro.

Entre as actividades que se están levando a cabo podemos destacar as merendas saudables, elaboración do menú do comedor o último venres de cada mes...