CAMPIONATO DE BRILÉ

Comezamos coa primeira competición deste ano!!! Dada a boa acollida do ano pasado, repetimos o Campionato de brilé, polo que xa vos podedes ir anotando para participar.

Se estás en 4º, 5º ou 6º de ed. primaria, busca nenos e nenas destes cursos para formar un equipo e inscribídevos nas follas que están onde o panel de ed. física (subindo as escaleiras pola clase de música). Recordade que os equipos teñen que ser mixtos (nenos e nenas) e con alumnado deses cursos.

Os alumnos e alumnas de 1º, 2º e 3º de ed. primaria, comentádelle aos profes de Ed. física que queredes xogar para que vos anoten e busquen un equipo.

A continuación deixámosvos o cartel e as regras do campionato.

                

ESCOLAS DEPORTIVAS MUNICIPAIS

Dende o luns 4 de setembro está aberta a inscrición nas distintas Escolas Deportivas Municipais. 

Deixámosvos dous enlaces das actividades organizadas polo concello, un deles da propia páxina onde atoparedes a información (Pincha AQUÍ), e un segundo enlace coa oferta de actividades (Pincha sobre a imaxe).

PRESENTACIÓN TEMPADA ESGRIMA

O próximo martes 19 levarase a cabo a presentación da nova tempada de esgrima en Silleda. Podedes consultar os horarios e as localizacións pinchando no cartel.

BENVIDOS AO CURSO ESCOLAR 2023-2024

Bos días nen@s!!! Darvos a benvida a este novo curso escolar que comeza hoxe. Moito ánimo a tod@s e estade atentos ás novidades que imos ir colgando por aquí.

VACACIÓNS

Cargade pilas para a volta do verán, posto que teremos novas propostas de xogos, campionatos e actividades que disfrutaremos tanto no cole como fóra. 

Neste periodo non olvidedes facer DEPORTE e XOGAR moito.🏀⚽⚾🏃🏄

INCHABLES FINAL DE CURSO

Último día de clase, e como non podía ser doutra maneira, tivemos unha xornada festiva na que o alumnado disfrutou de varios inchables.

Tedes na galería da web varias imaxes. Pincha 👉👉AQUÍ👈👈 para acceder a elas.

CAMPIONATO DE GALICIA ESCOLAR KUNG FU

Este sábado 27 de maio, a partir das 17:00h, celebrarase no Lalín Arena o XXXIX Campionato de Galicia Escolar de Kung-fu.

Se podedes, acercádevos a coñecer un pouco máis deste deporte e de paso aproveitade para animar a vari@s compañeir@s do cole que van participar no mesmo.

PATIOS ACTIVOS-DIVERTIDOS (Xogos Populares e Tradicionais)

Con motivo da celebración o 17 de maio do Día das Letras Galegas, a partir do luns 15 teredes a oportunidade de xogar durante os recreos a diferentes xogos populares e tradicionais. 

Tedes a continuación a listaxe dos xogos propostos, e se pinchades enriba deles, obteredes información de como podedes xogar con ese material. Nalgúns hai un vídeo explicativo.

BIRLOS

BUXAINA   (Forma de envolvelo - trucos)

CANICAS    (Guá - ollo ou bombardero)

CHAPAS  (Carreiras)

CARREIRA DE SACOS

ESQUÍS COOPERATIVOS (vídeo)

MARIOLA  (vídeo)

ZANCOS

TALLER DE CONDUTAS P.A.S. (Protexer-Avisar-Socorrer)

Onte pola mañá o alumnado de 5º e 6º de EP, e pola tarde, o profesorado do centro, participamos nun taller relacionado coas condutas P.A.S. (Protexer-Avisar-Socorrer) en situacións de emerxencia. A actividade consistíu nunhas sesións teórico-prácticas sobre a maneira de actuar ante contusións, queimaduras, hemorraxías..., así como coñecer a maniobra de Heimlich, a técnica de RCP, a posición lateral de seguridade e a manipulación dun DESA. 

O taller foi impartido por unha integrante de Cruz Vermella que exerce con enfermeira nun centro sanitario.

Tedes máis fotos se pinchades sobre a imaxe.

LIGA GALEGA DE ESPADA

Este sábado 13 de maio, a partir das 10:00h, tedes a oportunidade de disfrutar da Liga Galega de Espada no Pavillón César González Fares (Silleda).

Nesta competición participarán decenas de esgrimistas procedentes das distintas localidades da xeografía galega.

Achegamos cartel da competición.