VOLTA A GALICIA BTT

Os días 1, 2, 3 e 4 de maio celébrase A Volta Galicia BTT con categoría UCI. As etapas do venres 2 e o domingo 4 disputaranse no concello veciño de lalín. Se vos animades a vela, podedes ver máis información sobre a mesma pinchando sobre a imaxe.

COMPETICIÓNS DE BALONCESTO/BALONMÁN BENXAMÍN E ALEVÍN (XOGADE)

Na última semana do segundo trimestre e nesta segunda semana do 3º trimestre, leváronse a cabo as xornadas de baloncesto e balonmán (XOGADE) benxamín (4ºEP) e alevín (6º EP).  

O alumnado participante desprazouse ata o colexio CPR Plurilingüe María Inmaculada para enfrontarse aos equipos do María Inmaculada (Silleda) e do CEIP Vicente Arias de la Maza (Vilatuxe).

Ao longo das dúas xornadas celebráronse diferentes partidos das citadas categorías.
no que o alumnado puso en práctica as súas habilidades nestas dúas disciplinas.

Tedes máis fotos na galería da web do cole. Para acceder pinchade na foto.

CAMPIONATO DE TIROS A CANASTRA

Ide afinando a puntería nos recreos, posto que nos próximos días realizaremos o campionato de tiros a canastra. 

A competición consistirá en realizar 5 tiros a canastra dende diferentes posicións intentando conseguir o maior número de puntos.

Estade atentos ao tablón de EF para ver que días lle toca a cada categoría.

Podedes ver as fotos do campionado na galería do cole. Pincha 👉👉AQUÍ👈👈

DÍA INTERNACIONAL DO DEPORTE PARA O DESENVOLVEMENTO E A PAZ // DÍA MUNDIAL DA SAÚDE

O domingo 6 de abril celébrase o "Día Internacional do Deporte para o Desenvolvemento e a Paz", e o luns 7, adícadase ao "Día Mundial da Saúde". 

Ditas conmemoracións presenta unha oportunidade para recoñecer o papel positivo do deporte e a actividade física na nosa saúde, así como nas comunidades e na vida das persoas de todo o mundo.